ប្រភពរូបភាព៖ NBC News

​សំឡេង​ស៊ីរ៉ែន​វាយឆ្មក់​តាម​អាកាស​ ​បាន​បន្លឺ​ឡើង​ពាសពេញ​រដ្ឋធានី​ ​នៅ​ពេល​លោក​ ចូ ​បៃ​ដិ​ន​ ​កំពុង​ដើរ​ជាមួយ​ប្រធានាធិបតី​អ៊ុយ​ក្រែ​ន​ ​លោក​ ​វ៉ូ​ឡូ​ឌី​មៀ ហ្សេ​ឡេ​ន​ស្គី​ (​V​o​l​o​d​y​m​y​r ​Z​e​lens​k​y​y​) ​ក្នុងកំលុង​ពេល​ទស្សនកិច្ច​លើកដំបូង​របស់​លោក​ ​ចាប់តាំង​ពី​កងទ័ព​រុស្ស៊ី​បើក​ប្រតិបត្តិការ​ណ៍​យោធា​ពិសេស​កាលពី​ថ្ងៃ​ទី​២​៤​ ​ខែកុម្ភៈ​ ​ឆ្នាំ​២​០​២​២​។​

​នៅ​គេហដ្ឋាន​ផ្លូវការ​របស់​ប្រធានាធិបតី​អ៊ុយ​ក្រែ​ន​ ​គឺ​វិមាន​ ​Mar​i​in​sky​ ​លោក​ ​បៃ​ដិ​ន​ ​បាន​លើកឡើង​យ៉ាង​ដូច្នេះ​ ​«​មួយ​ឆ្នាំក្រោយ​មក​ ​រដ្ឋធានី​គៀ​វ​នៅតែ​រឹង​មាំ​ ​អ៊ុយ​ក្រែ​ន​នៅតែ​ឈរ​ ​ប្រជាធិបតេយ្យ​ក៏​នៅតែ​មាន​ដដែល​»​។​ ​លោក​បាន​បន្ថែម​ថា​ ​«​ប្រធានាធិបតី​រុស្ស៊ី ​លោក​ វ្ល៉ា​ឌី​មៀ ​ពូ​ទី​ន​ ​គិតថា​អ៊ុយ​ក្រែ​ន​ខ្សោយ​ ​ហើយ​លោក​ខាងលិច​ត្រូវ​បាន​បែកបាក់​។​ ​គាត់​គិតថា​ ​គាត់​អាច​​​យកឈ្នះ​ពួកយើង​បាន​»​ ​ប៉ុន្តែ​សង្គ្រាម​នេះ​ ​លោក​ ​ពូ​ទី​ន​ ​កំពុងតែ​បរាជ័យ​ហើយ​។​

ប្រភពរូបភាព៖ The Washington Post

​យោង​តាម​សារ​ព័ត៌មាន​ CN​A​ ​ដំណើរ​ទស្សនកិច្ច​នេះ​ ​ត្រូវ​បាន​រៀបចំ​ឡើង​ក្នុង​លក្ខខណ្ឌ​ដ៏​សម្ងាត់​បំផុត​ ​និង​គួរ​ឱ្យ​ភ្ញាក់ផ្អើល​ ​ដោយ​លោក​ ចូ ​បៃ​ដិ​ន​ ​បាន​ចាកចេញ​ពី​ក្រុង​វ៉ា​ស៊ី​ន​តោន​នា​ព្រឹកព្រលឹម​ថ្ងៃអាទិត្យ​ ​ហើយ​លោក​បាន​ចុះចត​នៅ​ប្រទេស​ប៉ូឡូញ​នៅ​ល្ងាច​ថ្ងៃ​ដដែល​។​ ​ក្រោយមក​ ​លោក​ត្រូវ​ចំណាយ​ពេល​ជិះ​លើ​រថភ្លើង​ ​អស់​រយៈពេល​១​០​ម៉ោង​ ​ដើម្បី​ទៅ​ក្រុង​គៀ​វ​ ​ដោយ​លោក​បាន​មកដល់​នៅ​ម៉ោង​៨​ព្រឹក​ ​ម៉ោង​ក្នុង​តំបន់​៕