របាយការណ៍៖ លោក ស៊ី ជីនពីង នឹងធ្វើដំណើរទៅក្រុងមូស្គូដើម្បីចូលរួមកិច្ចប្រជុំជាមួយលោក ពូទីន
Admin
ប្រភពរូបភាព៖ Time
ដោយលើកឡើងពីមនុស្សដែលបានដឹងពីផែនការ កិច្ចប្រជុំកំពូលរវាងមេដឹកនាំទាំងពីរ គឺជាផ្នែកមួយនៃកិច្ចខិតខំប្រឹងប្រែងរបស់ចិន ដើម្បីដើរតួនាទីយ៉ាងសកម្មបន្ថែមទៀតក្នុងការបញ្ចប់សង្រ្គាមដែលអូសបន្លាយអស់រយៈពេលជិតឆ្នាំ និងជាផ្នែកនៃការជំរុញសន្តិភាពពហុភាគី។
នៅក្នុងរបាយការណ៍ បានបញ្ជាក់ថា ប្រទេសចិនក៏នឹងប្រើប្រាស់កិច្ចប្រជុំកំពូលដើម្បីអំពាវនាវជាថ្មីថា អាវុធនុយក្លេអ៊ែរមិនគួរត្រូវបានប្រើប្រាស់ផងដែរ ខណៈការត្រៀមរៀបចំសម្រាប់ការធ្វើដំណើរនេះ កំពុងស្ថិតនៅដំណាក់កាលដំបូង ហើយពេលវេលាមិនទាន់ត្រូវបានបញ្ចប់នៅឡើយទេ។
ទោះជាយ៉ាងណាក៏ដោយ ដំណើរទស្សនកិច្ចរបស់លោក ស៊ី អាចនឹងធ្វើឡើងក្នុងខែមេសា ឬដើមខែឧសភា នៅពេលរុស្ស៊ីប្រារព្ធពិធីទទួលជ័យជម្នះក្នុងសង្គ្រាមលោកលើកទីពីរលើពួកណាស៊ីអាល្លឺម៉ង់។
បើតាមការចេញផ្សាយពីសារព័ត៌មាន Al Jazeera លោក ស៊ី និងលោក ពូទីន បានជួបគ្នាលើកចុងក្រោយនៅប្រទេសចិនមុនព្រឹត្តិការណ៍កីឡាអូឡាំពិករដូវរងាក្នុងក្រុងប៉េកាំងកាលពីឆ្នាំមុន ប៉ុន្មានថ្ងៃមុនពេលរុស្ស៊ីបើកប្រតិបត្តិការណ៍យោធាពិសេសនៅអ៊ុយក្រែនកាលពីថ្ងៃទី២៤ ខែកុម្ភៈ។ កំលុងពេលនោះ មេដឹងនាំទាំងពីរ ក៏បានប្រកាសភាពជាដៃគូ «គ្មានដែនកំណត់» ក្នុងកិច្ចសហប្រតិបត្តិការផងដែរ៕
