1.អ្នកវិនិយោគលើវិស័យសារព័ត៌មានជំរុញឱ្យអ្នកកាសែតពង្រឹងបន្ថែមលើការសររសេរអត្ថបទបែបស៊ីជម្រៅ 2.សាលារៀន AIS អញ្ជើញវេជ្ជបណ្ឌិតមកណែនាំពីសុវត្ថិភាពចំណីអាហារដល់កុមារ 3.ប្រធានអង្គការណាតូថា បច្ចុប្បន្ន ចិនកំពុងក្លាយជាប្រទេសអំណាចផ្តាច់ការ 4.អាមេរិក និងសម្ព័ន្ធមិត្ត រំម្លឹកខួបនៃរដ្ឋប្រហារមីយ៉ាន់ម៉ាជាមួយនឹងការដាក់ទណ្ឌកម្មថ្មី 5.អ្នកស្លាប់កើនដល់១០០នាក់ និងរបួសជាង២០០នាក់ ដោយសារការបំផ្ទុះគ្រាប់បែកនៅប៉ាគីស្ថាន

សង្គម


តើមានដំណើរការយ៉ាងណាមុននឹងក្រុមហ៊ុន ម៉េងលី ជេ.គួច អេឌ្យូខេសិន អាចចុះបញ្ជីក្នុងផ្សារមូលបត្រ?

​ការ​ចុះបញ្ជី​ក្រុមហ៊ុន​មួយ​ចូលក្នុង​ទី​ផ្សារ​ភាគ​ហ៊ុន​ ​មិនមែន​ជា​រឿង​ងាយស្រួល​នោះ​ទេ​ ​ព្រោះ​មាន​ដំណាក់កាល​ជាច្រើន​ដែល​ក្រុមហ៊ុន​នោះ​ត្រូវ​បំពេញ​តាម​លក្ខខណ្ឌ​។​ ​ក្រុមហ៊ុន​ ​ម៉េង​លី​ ជេ. គួ​ច​ អេឌ្យូខេ​សិន​ ​គឺជា​ស្ថាប័ន​អប់រំ​ដំបូង​គេ​នៅ​កម្ពុជា​ ​ដែល​នឹង​ឡើង​ផ្សារ​មូលបត្រ​កម្ពុជា​ ​ក្នុងពេលឆាប់ៗ​នេះ​។​ ​តើ​មាន​សាវ​តា​ ​និង​ឧបសគ្គ​អ្វីខ្លះ​មុននឹង​ក្រុមហ៊ុន​ ​ម៉េង​លី​ ជេ. គួ​ច​ អេឌ្យូខេ​សិន​ ​អាច​បោះផ្សាយ​លក់​មូលបត្រ​ដំបូង​(​I​P​O)​បាន​?

អ្នកឧកញ៉ា​ ​វេជ្ជបណ្ឌិត​ គួ​ច​ ​ម៉េង​លី​ ​ស្ថាបនិក​ ​ប្រធាន​ក្រុមប្រឹក្សា​ភិ​បាល​ ​និង​អគ្គនាយក​ប្រតិបត្តិ​នៃ​ក្រុមហ៊ុន​ ​ម៉េង​លី​ ជេ.គួ​ច​ អេឌ្យូខេ​សិន​ ​បាន​មាន​រៀប​រាប់ប្រាប់​ថា​ ​«​នៅ​អំឡុង​ឆ្នាំ​២​០​១​៥​-​២​០​១​៦​ ​ពួកយើង​មានការ​សហការ​ពី​ខាងក្រៅប្រទេស​ ​ទាក់ទង​មក​ពួកយើង​ក្នុង​គោលបំណង​បណ្តាក់ទុន​រួមគ្នា​ ​ហើយ​ពួកគេ​ភាគច្រើន​យក​ ​៦​០​-​៧​០​ ​ភាគរយ​នៃ​ភាគ​ហ៊ុន​ ​ហើយ​ប៉ុន្មាន​ឆ្នាំ​ទៀត​ ​ពួកគេ​ចង់​ចាកចេញ​ ​រួច​ឱ្យ​ពួកយើង​នៅ​បន្ត​តែឯង​។​ ​ការ​យក​ភាគ​ហ៊ុន​រហូតដល់​ ​៦​០​-​៧​០​ ​ភាគរយ​ ​គឺ​មិន​ល្អ​សម្រាប់​ពួកយើង​ទេ​ ​ប៉ុន្តែ​ពួកយើង​នៅតែ​ស្ម័គ្រចិត្ត​ចូលរួម​នៅ​ពេល​នោះ​ ​យ៉ាងណា​ ​ការ​យក​ភាគ​ហ៊ុន​៦​០​-​៧​០​ភាគរយ​ ​គឺ​ធ្វើ​ឱ្យ​យើង​ព្រួយបារម្ភ​អំពីអ្វី​ដែល​អាច​នឹង​កើតឡើង​ចំពោះ​សាលា​របស់​ពួកយើង​ ​ព្រោះ​ការដែល​ខ្ញុំ​បង្កើត​សាលា​ទាំងនេះ​ឡើង​ ​គឺ​ខ្ញុំ​ចង់​ផ្តល់​ជូន​នូវ​ចំណេះ​ដឹង​ ​ការអប់រំ​សម្រាប់​ប្រជាជន​កម្ពុជា​ ​ដើម្បី​ឱ្យ​ពួកគេ​ជួយ​ទ្រទ្រង់​ប្រទេស​ ​រដ្ឋាភិបាល​ ​និង​វិ​ស័​យ​អប់រំ​។​ ​គោលបំណង​របស់​ខ្ញុំ​ ​គឺ​បែប​នេះ​ ​ជួយ​វិ​ស័​យ​អប់រំ​ ​និង​ពង្រីក​បន្ថែម​ទៀត​ ​ហើយ​ទ្រទ្រង់​វិ​ស័​យ​សុខាភិបាល​ ​ដូច្នេះ​ប្រសិនបើ​ខ្ញុំ​លះបង់​ភាគ​ហ៊ុន​ទាំងអស់​ក្នុង​ការ​ប​ណ្តក់​ទុន​រួមគ្នា​ ​នោះ​គឺ​ដូចជា​ខ្ញុំ​បរាជ័យ​ក្នុង​ការ​បំពេញ​គោលដៅ​របស់​ខ្លួនឯង​អ៊ីចឹង​។​»

​គោលបំណង​ចូល​ ​I​P​O ​កំឡុង​ពេល​មានការ​រាតត្បាត​ជំងឺ​កូ​វី​ដ​-​១​៩​

​អ្នកឧកញ៉ា​ដែល​ជា​វេជ្ជបណ្ឌិត​វេជ្ជសាស្ត្រ​ ​និង​ជា​អ្នកជំនាញ​សុខភាព​សារ​ធារ​ណៈ​រូប​នេះ​បាន​ឱ្យ​ដឹង​ថា​ ​«​ចំពោះ​ឆ្នាំ​២​០​១​៨​វិញ​ ​ពួកយើង​សម្រេច​ថា​ ​ចង់​ចូល​ ​I​P​O ​ម្តងទៀត​នៅ​ក្នុង​ឆ្នាំ​២​០​១​៩​ ​ប៉ុន្តែ​នៅ​ឆ្នាំ​នោះ​ ​សេដ្ឋកិច្ច​នៅ​ប្រទេស​កម្ពុជា​បាន​ជួប​វិបត្តិ​ ​ហើយ​អ្នក​វិនិយោគ​ចិន​មួយ​ចំនួន​បាន​ចាកចេញ​ កូ​វី​ដ​ក៏បាន​រីក​រាលដាល​ ​វា​ជា​ការ​ធ្លាក់ចុះ​សេដ្ឋកិច្ច​ ​ដូច្នេះ​ពួកយើង​ក៏​ពន្យារពេល​សិន​។​ ​វា​ច្បាស់​ណាស់​ថា​ ​ជា​ជម្រើស​មិន​ត្រឹមត្រូវ​ ​ប្រសិនបើ​ពួកយើង​ពិតជា​ចូលរួម​ទី​ផ្សារ​ភាគ​ហ៊ុន​នៅ​ពេល​នោះ​ ​ឬ​ប្រសិនបើ​ពួកយើង​ចេញ​ ​I​P​O​។​ ​ដូច្នេះ​ពួកយើង​បាន​រង់ចាំ​រហូតដល់​បញ្ហា​កូ​វី​ដ​-​១​៩​ ​ធូរ​ស្បើយ​ ​ហើយ​សំណាង​ដែរ​ ​ព្រោះ​ប្រទេស​កម្ពុជា​ចាប់ផ្តើម​បើក​ទី​ផ្សារ​ឡើងវិញ​បាន​លឿន​ក្នុងចំណោម​ប្រទេស​ផ្សេងទៀត​ ​បែប​នោះ​ហើយ​ ​ភ្ញៀវ​បរទេស​ ​អ្នកទេសចរ​ ​ក៏​អាច​ចូល​មក​ប្រទេស​កម្ពុជា​វិញ​ ​ប្រទេស​ក៏បាន​ដក​ការ​រឹត​បន្តឹង​ ​ដូច្នេះ​គ្រប់យ៉ាង​នឹង​ត្រឡប់ទៅ​ធម្មតា​»​។

​ភាព​ជោគជ័យ​ក្នុង​ការ​ចូល​ ​I​P​O ​របស់​ក្រុមហ៊ុន​

​អ្នកឧកញ៉ា​ ​វេជ្ជបណ្ឌិត​ គួ​ច​ ​ម៉េង​លី​ ​បន្ថែម​ថា​ ​«​ពួកយើង​គិតថា​ឆ្នាំ​២​០​២​៣​នេះ​ ​គឺជា​ពេលវេលា​ដ៏​ត្រឹមត្រូវ​ ​មុន​ការបោះឆ្នោត​។​ ​ទី​១​ ​គឺ​ពួកយើង​ជឿជាក់​លើ​ការ​រីក​ចម្រើន​ ​ទី​២​ ​គឺ​ពួកយើង​ជឿជាក់​លើ​ការ​គាំទ្រ​ពី​អតិថិជន​ ​មាតាបិតា​ ​និង​អ្នក​វិនិយោគ​ ​ហើយ​ទី​៣​ ​គឺជា​ការ​បង្ហាញ​ការ​គាំទ្រ​ជាមួយ​រដ្ឋាភិបាល​ថា​ ​ប្រទេស​កម្ពុជា​បច្ចុប្បន្ន​មាន​ស្ថិរភាព​។​ ​ក្រុមហ៊ុន​របស់​ពួកយើង​បាន​ធ្វើ​សវនកម្ម​៥​-​៧​ឆ្នាំ​រួចហើយ​ ​យើង​ធ្វើតាម​តម្រូវ​ការ​របស់​សវនកម្ម​ ​និង​តម្រូវ​ការ​របស់​រដ្ឋាភិបាល​។​ ​ពួកយើង​កំពុង​អនុវត្ត​តាម​តម្រូវ​ការ​របស់​រដ្ឋាភិបាល​សម្រាប់​ចុះបញ្ជី​ក្រុមហ៊ុន​ចូលក្នុង​ទី​ផ្សារ​ភាគ​ហ៊ុន​ ​ហើយ​នៅពេលដែល​យើង​សម្រេច​ចិត្ត​ចុះហត្ថលេខា​សម្រាប់​ទទួលការ​ធានា​ពី​ R​H​B ​Securities​ ​ពួកគេ​ក៏​ត្រូវការ​ផ្នែក​ច្បាប់​ដែរ​ ​រួម​ទាំង​ក្រុមហ៊ុន​សវនកម្ម​។​ ​ក្រៅពី​ R​H​B ​Securities​ ​ពួកយើង​មាន​ផ្នែក​ច្បាប់​ ​និង​សវនកម្ម​ ​ដើម្បី​ជួយ​នាំ​ផ្លូវ​ទៅ​រក​អ្វី​ដែល​ត្រូវការ​។​ ​ពិត​ណាស់​ ​ពួកយើង​ទទួល​បាន​ក្រុមហ៊ុន​សវនកម្ម​ឯករាជ្យ​មួយ​ ​ដោយ​ពួកយើង​បាន​ជ្រើស​យក​ B​DO​ ​ចំណែក​ការធានា​ ​ខ្ញុំ​ជ្រើស​យក​ R​H​B ​Securities​។​ ​សម្រាប់​ផ្នែក​ច្បាប់​គឺ​ R&​T​ ​So​k & ​Hen​g​»​។

ការ​ចូល​ ​I​P​O ​និង​ ​ការ​អភិវឌ្ឍ​វិ​ស័​យ​អប់រំ​នៅ​កម្ពុជា​

​ក្នុងនាម​ជា​វិនិ​យោគិន​ផ្នែក​អប់រំ​មួយ​រូប​ ​អ្នកឧកញ៉ា​ ​វេជ្ជបណ្ឌិត​ គួ​ច​ ​ម៉េង​លី​ ​បាន​បង្ហាញ​អ្វី​ដែល​លោក​ចង់​ឃើញ​ខណៈ​ខណៈ​ដែល​ក្រុមហ៊ុន​របស់​លោក​ចូល​ ​I​P​O ​យ៉ាង​ដូច្នេះ​ថា​ ​«​គោលបំណង​ដែល​ដាក់​ចេញ​ ​I​P​O ​គឺ​ដើម្បី​ផ្សព្វផ្សាយ​សាលា​របស់យើង​ ​និង​អនុញ្ញាត​វិនិ​យោគិន​មានឱកាស​ក្លាយ​ជា​ផ្នែក​មួយ​របស់​ក្រុមហ៊ុន​ ​ហើយ​ខ្ញុំ​ជឿជាក់​ថា​ វិនិ​យោគិន​ភាគច្រើន​ ​គឺជា​មាតាបិតា​សិស្ស​ ​និង​ប្រជាជន​កម្ពុជា​ដែល​មានកូន​ៗ​រៀន​នៅ​សាលា​នេះ​។​ ​សាលា​របស់​ពួកយើង​ស្ថិត​ក្នុងចំណោម​សាលា​ធំ​ៗ​ ​និង​មានការ​ទទួលស្គាល់​ច្រើន​ ​មាន​ស្ដង់​ដារ​គ្រប់គ្រាន់​ ​ហើយ​តែងតែ​ជាប់​ចំណាត់ថ្នាក់​ល្អ​ ​ទទួល​បាន​ពានរង្វាន់​ពី​ក្រសួង​អប់រំ​ ​ដូច្នេះ​ខ្ញុំ​គិតថា​ ​នេះ​គឺជា​ជម្រើស​ល្អ​សម្រាប់​ប្រជាជន​កម្ពុជា​ ​ដើម្បី​ក្លាយ​ជា​ម្ចាស់​សាលា​ ​ដែល​មាននៅ​ទូទាំង​ប្រទេស​កម្ពុជា​ ​ដូច្នេះ​សិស្ស​នុ​សិស្ស​ទាំងអស់​អាច​សិក្សា​នៅ​ក្នុង​សាលា​ដែល​គួរ​ឱ្យ​ទុកចិត្ត​ ​ខណៈ​មជ្ឈមណ្ឌល​ភាសា​ អេ ​អាយ​ ​អាយ​ ​និង​សាលារៀន​អន្តរទ្វីប​អាមេរិកាំង​ អេ ​អាយ​ អេ​ស​ ​កំពុងតែ​ផ្តល់​ជូន​រួច​ទៅ​ហើយ​នៅ​ពេលនេះ​។​ ​ដូច្នេះ​ខ្ញុំ​គិតថា​ ​ការដែល​ចូលរួម​ជាមួយ​ ​I​P​O ​ពួកយើង​នឹង​ទទួល​បានការ​គាំទ្រ​កាន់តែ​ខ្លាំង​ឡើង​ ​និង​ពង្រីក​សាខា​បាន​កាន់តែ​ច្រើន​ ​ដោយ​អាច​ទៅដល់​តំបន់​ដែល​អ្នកគាំទ្រ​ស្នើសុំ​ឱ្យ​ពួកយើង​ទៅ​ ​ហើយ​ពេលនេះ​ ​យើង​មាន​កន្លែង​រាប់​រយ​ដែល​យើង​ចង់​ពង្រីក​នៅ​គ្រប់ជ្រុងជ្រោយ​នៃ​ប្រទេស​កម្ពុជា​។​ ​អ្នកគាំទ្រ​មានការ​ទុកចិត្ត​ ​ជឿជាក់​ខ្ពស់​លើ​ពួកយើង​ ​ហើយ​ពួកគេ​ស្រួលចិត្ត​ ​និង​ទំនុក​ចិត្ត​ក្នុង​ការ​រីក​ចម្រើន​របស់​ពួកយើង​។​ ​វា​គឺ​ជាគោល​ដៅ​ ​ជា​ចក្ខុវិស័យ​ដ៏​វែងឆ្ងាយ​។​ ​ពួកគេ​ជឿជាក់​លើ​ការ​គ្រប់គ្រង​ ​ម្ចាស់​ភាគ​ហ៊ុន​ ​ក្រុមប្រឹក្សា​ភិ​បាល​ដែល​នៅ​ពីក្រោយ​ក្រុមហ៊ុន​ ​ម៉េង​លី​ ជេ. គួ​ច​ អេឌ្យូខេ​សិន​។​ ​ពួក​មាន​ក្រុម​ដ៏​រឹង​មាំ​ ​បុគ្គលិក​ដែល​មាន​ឆន្ទៈ​នៅ​ពីក្រោយ​ ​រួម​ទាំង​ការ​គាំទ្រ​ពីសំណាក់​ប្រជាជន​កម្ពុជា​ ​ដូច្នេះ​ខ្ញុំ​ជឿជាក់​ថា​ ​ក្រុមហ៊ុន​នឹង​ទទួល​បាន​ជោគជ័យ​កាន់តែ​ខ្លាំង​ឡើង​»​។​ ​លោក​បន្ត​ថា​«​ពួកយើង​នៅ​មាន​សាលា​១​៦​០​កន្លែង​ទៀត​ ​ដែល​ចង់​ពង្រីក​ ​ខណៈ​បច្ចុប្បន្ន​ ​ពួកយើង​ទើប​តែ​មាន​១​៥​សាខា​ទេ​ ​ដូច្នេះ​ពួកយើង​មានដំណើរ​វែងឆ្ងាយ​ទៀត​។​ ​លើស​ពី​នេះ​ ​ពួកយើង​ក៏​ចង់​បង្កើត​សាកលវិទ្យាល័យ​ដែរ​ ​កម្មវិធី​បណ្តុះបណ្តាល​ (​Trade School​) ​ក៏ដូចជា​សាលា​អន្តរជាតិ​សម្រាប់​ថ្នាក់​ K-12 ​មិនតែប៉ុណ្ណោះ​ ​ក៏មាន​ថ្នាក់​វេជ្ជសាស្ត្រ​ ​រួម​ជាមួយ​សាលា​សម្រាប់​បញ្ហា​ផ្លូវ​កាយ​ ​និង​ផ្លូវចិត្ត​សម្រាប់​កុមារ​កម្ពុជា​ដែល​មាន​បញ្ហា​។​ ​ដូចដែល​បានឃើញ​ហើយ​ ​ពួកយើង​មានរឿង​ជាច្រើន​ដែល​ត្រូវធ្វើ​នៅ​ពេល​ចេញ​ ​I​P​O ​ដូចជា​ការ​ប្រមូល​មូលនិធិ​តាមដែល​អាច​ធ្វើ​ទៅ​បាន​ ​ដើម្បី​បង្កើត​កម្ម​វី​ធី​សង្គម​ដែល​ត្រូវការ​បំផុត​នៅ​ក្នុង​ប្រទេស​កម្ពុជា​ ​ហើយ​អ្វី​ដែល​ចម្បង​បំផុត​ ​គឺ​គម្រោង​សម្រាប់​បញ្ហា​ផ្លូវចិត្ត​។​ ​ពួកគេ​ត្រូវការ​កន្លែង​ព្យាបាល​ដែល​មាន​វិជ្ជាជីវៈ​ត្រឹមត្រូវ​ ​ត្រូវការ​កន្លែង​ដែល​អាច​ដាក់​ទំនុក​ចិត្តបាន​។​ជាក់ស្តែង​ ​ពួកយើង​មិន​មាន​ការប្រកួតប្រជែង​អ្វី​ច្រើន​ទេ​ ​សាលា​របស់​ពួកយើង​បាន​ត្រៀម​ខ្លួន​រួចរាល់​សម្រាប់​ ​I​P​O ​ច្រើន​ឆ្នាំ​មក​ហើយ​ ​ពួកយើង​ក៏បាន​ធ្វើ​សវនកម្ម​ ​និង​អនុវត្ត​តាម​រដ្ឋាភិបាល​ ​ប៉ុន្តែ​អ្វី​ដែល​ពួកយើង​ត្រូវការ​បន្ថែម​ទៀត​នោះ​ ​គឺ​ពេលវេលា​ ​ពីព្រោះ​ថា​ការ​ចេញ​ ​I​P​O ​គឺ​ត្រូវការ​រយៈពេល​១​ឆ្នាំ​។​ ​ទោះជាយ៉ាងណា​ ​ដោយសារតែ​ក្រុមហ៊ុន​ពួកយើង​បាន​ត្រៀម​ខ្លួន​រួចរាល់​ ​ពួកយើង​ចំណាយ​ពេល​តែ​៣​ខែ​កន្លះ​តែប៉ុណ្ណោះ​។​ ​ចាប់ពី​ចុងខែ​១​២​ ​ឆ្នាំ​២​០​២​២​ ​ពួកយើង​សង្ឃឹម​ថា​ ​នឹង​អាច​ដាក់​ចេញ​នៅ​ចុងខែ​៣​ ​ឆ្នាំ​២​០​២​៣​នេះ​។​ ​ពួកយើង​មាន​ក្រុមប្រឹក្សា​ដែល​ខ្លាំង​ ​ដូច្នេះ​ពួកយើង​គិតថា​ ​នឹង​អាច​ដំណើរការ​ទៅមុខ​បាន​»​។

ដៃគូ​ដែល​សហការ​នាំ​ឱ្យ​ក្រុមហ៊ុន​ឈាន​ដល់​ការ​ ​I​P​O

​ការ​ចូល​ ​I​P​O ​មិនមែន​ធ្វើការងារ​តែឯង​បាន​នោះ​ទេ​ដែល​ករណី​នេះ​ ​អ្នកឧកញ៉ា​ ​វេជ្ជបណ្ឌិត​ គួ​ច​ ​ម៉េង​លី​ ​មានប្រសាសន៍ថា​ ​«​​ដោយសារតែ​ក្រុម​ការងារ​គ្រប់​ផ្នែក​ទាំងអស់​សហការ​គ្នា​ ​ធ្វើការ​រួមគ្នា​ ​និង​សម្របសម្រួល​ជាមួយ​អ្នកធានា​ ​គឺ​ R​H​B ​Securities​ ​ដូច្នេះ​គ្រប់យ៉ាង​ដំណើរការ​ទៅ​រលូន​ ​បញ្ហា​ប្រឈម​ក៏​ត្រូវ​បាន​ដោះស្រាយ​។​​គោលបំណង​របស់​ពួកយើង​គឺ​ពង្រីក​សាខា​ច្រើន​តាមដែល​អាច​ធ្វើ​ទៅ​បាន​ ​ទៅតាម​ខេត្ត​នានា​ ​ពិត​ណាស់​ ​គឺ​ពួកយើង​ចង់​ពង្រីក​សាខា​គ្រប់​ខេត្ត​ក្រុង​។​ ​ពួកយើង​មិន​បារម្ភ​លើ​តម្លៃ​សិក្សា​នោះ​ទេ​ ​ដោយសារ​តម្លៃ​នោះ​មាន​ឡើងចុះ​ទៅតាម​ទីតាំង​សាលា​ ​និង​តាម​ប្រាក់ចំណូល​របស់​មាតាបិតា​សិស្ស​។​ ​អ្វី​ដែល​ពួកយើង​ចង់បាន​ ​គឺ​តម្លៃ​សមរម្យ​ ​និង​អាច​សិក្សា​បាន​សម្រាប់​មនុស្ស​គ្រប់គ្នា​នៅ​ក្នុង​ប្រទេស​កម្ពុជា​ ​ដើម្បី​ចូលរៀន​នៅ​សាលា​ល្អ​។​ ​នេះ​មិនមែន​តែ​សម្រាប់​តែ​អ្នកមាន​ ​ឬ​ល្បីល្បាញ​អ្វី​ទេ​ ​គឺ​សម្រាប់​គ្រប់គ្នា​អាច​សិក្សា​បាន​ ​និង​សិក្សា​នៅ​សាលា​មាន​បរិយាកាស​ល្អ​ ​សាលា​ដែល​ផ្តល់​ការថែទាំ​ល្អ​ ​សាលា​ដែល​មានគុណ​ភាព​។​ ​ពេល​ជាមួយគ្នា​ដែរ​ ​ពួកយើង​ចង់​ឱ្យវិនិ​យោគិន​ចូលរួម​ ​ហើយ​វិនិយោគ​លើ​ក្រុមហ៊ុន​ពួកយើង​ ​និង​អាច​ទាក់ទាញ​ការ​វិនិយោគ​ផ្ទាល់​ពី​បរទេស​ (​Foreign​ ​Direct Investment​, ​F​D​I​)​។​ ​មាន​អតិថិជន​ច្រើន​ណាស់​សួរ​ខ្ញុំ​ថា​ ​ពេលណា​ទើប​ចេញ​ ​I​P​O ​តើ​កន្លែងណា​ទើប​អាច​ទិញ​បាន​។​ ​ពួកគេ​ចង់​កក់​ទុកមុន​ទៀត​ផង​ ​ពួកគេ​ខ្លាច​ថា​មិន​មានឱកាស​ចូលរួម​ភាគ​ហ៊ុន​ ​ព្រោះថា​មាន​តម្រូវ​ការ​ច្រើន​ណាស់​ ​ហើយ​ពួកយើង​ដាក់​ចេញ​តែ​៦​-​១​០​ភាគរយ​នៃ​ភាគ​ហ៊ុន​តែប៉ុណ្ណោះ​។​ ​ពួកយើង​សង្ឃឹម​ថា​ ​អតិថិជន​ ​នឹង​កក់​ភាគ​ហ៊ុន​ទុកមុន​ ​ព្រោះថា​តម្រូវ​ការពិត​ជា​ខ្ពស់​មែនទែន​។​ ​ក្រុមហ៊ុន​របស់​ពួកយើង​ឈ្មោះថា​ ​ម៉េង​លី​ ជេ. គួ​ច​ អេឌ្យូខេ​សិន​ ​ដែល​នៅ​ខាងក្រោម​នោះ​មាន​ ​A​i​i​ ​ដែល​ជា​មជ្ឈមណ្ឌល​ភាសា​ ​បង្រៀន​ចិន​ ​អង់គ្លេស​ ​និង​ថៃ​ ​ហើយ​យើង​ក៏មាន​សាលា​មួយទៀត​ដែរ​ ​គឺ​សាលារៀន​ ​អន្តរទ្វីប​ ​អាមេរិកាំង​ ​A​I​S ​ដែល​មាន​ពី​ម​ត្តេយ្យ​សិក្សា​ ​ដល់​ថ្នាក់​វិទ្យាល័យ​ ​ពី​ថ្នាក់ទី១​ដល់​ទី​១​២​ ​ហើយក៏​មាន​ទារក​ដ្ឋា​ន​ដែ​លមើល​ថែ​កុមារ​ពី​អាយុ​៦​ខែ​ដល់​២​ឆ្នាំ​ ​និង​ឡើង​ពី​ថ្នាក់​វិទ្យាល័យ​ ​ដល់​សាកលវិទ្យាល័យ​»​។​

ក្តី​សង្ឃឹម​ ​និង​ការ​រំពឹង​ទុក​ពី​ការ​ចូល​ ​I​P​O ​របស់​ក្រុមហ៊ុន​

​ឆ្លងកាត់​ជាច្រើន​ដំ​ណា​ក​កាល​ ​អ្នកឧកញ៉ា​ ​វេជ្ជបណ្ឌិត​ គួ​ច​ ​ម៉េង​លី​ ​បង្ហាញ​ក្តី​សង្ឃឹម​ថា​ ​«​ខ្ញុំ​ជឿ​ថា​កម្ពុជា​នៅ​រយៈពេល​១​៥​ឆ្នាំ​ទៀត​ ​មិនទាន់​មានការ​វិឌ្ឍ​ផ្នែក​អប់រំ​គ្រប់គ្រាន់​នៅឡើយ​ទេ​ ​ដូច្នេះ​ពួកយើង​នៅ​ដើរក្រោយ​គេ​ច្រើន​ជំហាន​ទៀត​។​ ​ពួកយើង​នៅតែ​ត្រូវការ​សាលា​ល្អ​ ​សាលា​មានគុណ​ភាព​ ​សាលា​បច្ចេកវិទ្យា​ ​សាលា​ជាច្រើន​ដែល​ត្រូវការ​សម្រាប់​យុវជន​កម្ពុជា​។​ ​ប្រទេស​កម្ពុជា​មាន​តម្រូវ​ការ​ដូច​ប្រទេស​អភិវឌ្ឍន៍​ផ្សេងទៀត​ ​អ៊ីចឹង​ហើយ​ ​អ្វី​ដែល​ប្រទេស​យើង​មិនទាន់​មាន​គ្រប់គ្រាន់​នៅ​ពេលនេះ​គឺ​ ​សាលារៀន​។​ ​ខ្ញុំ​និយាយ​អំពី​សាលា​ដែល​មានគុណ​ភាព​។​ ​កា​រដាក់​ចេញ​ ​I​P​O ​មានន័យ​ថា​ ​ពួកយើង​អាច​សម្រេច​គោលដៅ​នៃ​ការ​បង្កើត​សាលារៀន​សម្រាប់​គ្រប់​ផ្នែក​ ​និង​ការ​បណ្តុះបណ្តាល​ផ្សេងៗ​ ​ចាប់ពី​ថ្នាក់​ទារក​ដ្ឋា​ន​ ​រហូតដល់​វិទ្យាល័យ​ ​ពី​ថ្នាក់​ថែទាំ​ង​កុមារ​ ​ដល់​ថ្នាក់​ម​ត្តេយ្យ ​ដល់​ថ្នាក់​សាកល​វិទ្យា​ ​មហា​វិទ្យា​ ​ថ្នាក់​វេជ្ជសាស្ត្រ​។​ ​វា​នៅ​មាន​ច្រើន​ណាស់​សម្រាប់​ការ​ផ្តល់​ជូន​ ​ក្រៅពីនោះ​ ​ក៏មាន​សាលា​អន្តរជាតិ​សម្រាប់​សិស្ស​ដែល​ចង់​សិក្សា​នៅ​ក្រៅ​ប្រទេស​ ​ដែល​នឹង​ត្រឡប់មកវិញ​ ​ហើយ​ជួយ​ប្រទេស​កម្ពុជា​។​ ​ពួកយើង​មាន​គម្រោង​ដាក់​ចេញ​៦​-​១​០​ភាគរយ​ ​ប៉ុន្តែ​តម្រូវ​ការ​ប្រហែលជា​ខ្ពស់​ ​ដូច្នេះ​ពួកយើង​នឹង​ស្នើសុំ​ការអនុញ្ញាត​ប្រសិនបើ​មាន​ករណី​នោះ​។​ ​ជា​អតិបរមា​ ​យើង​ដាក់​ចេញ​២​០​ភាគរយ​សម្រាប់​ជុំ​ដំបូង​ ​ប៉ុន្តែ​បច្ចុប្បន្ន​គឺ​មាន​ត្រូវតែ​១​០​ភាគរយ​ប៉ុណ្ណោះ​។​ ​ពួកយើង​សង្ឃឹម​ថា​ ​នឹង​មាន​ភាគ​ហ៊ុន​គ្រប់គ្រាន់​សម្រាប់​វិនិ​យោគិន​ ​និង​ប្រជាជន​គ្រប់​ទីកន្លែង​ក្នុង​ប្រទេស​កម្ពុជា​។​ ​នេះ​ពិតជា​ការ​រំភើប​សម្រាប់​ប្រជាជន​កម្ពុជា​ណាស់​ ​ហើយ​ក្រុមហ៊ុន​ ​ម៉េង​លី​ ជេ. គួ​ច​ អេឌ្យូខេ​សិន​ ​នឹង​ធ្វើ​ឱ្យ​មានការ​ខុសប្លែក​ ​ផ្លាស់ប្តូរ​សម្រាប់​កម្ពុជា​។ ពួកយើង​មាន​គម្រោង​ទទួល​បាន​តម្លៃ​ចុងក្រោយ​នៅ​ស​ប្តាហ៍​ទី​៣​នៃ​ខែ​មករា​ ​ដោយមាន​តម្លៃ​ចាប់ពី​២​២​០​០​រៀល​ទៅ​៨​០​០​០​រៀល​ ​ដូច្នេះ​វា​មិន​ជា​ថ្លៃ​នោះ​ទេ​។​ ​នេះ​គឺជា​តម្លៃ​សម​ល្មម​ ​សមរម្យ​ដែល​អាច​ទទួលយក​បាន​ ​ដូច្នេះ​ប្រជាជន​គ្រប់គ្នា​អាច​ជា​ម្ចាស់ក្រុមហ៊ុន​បាន​។​ ​ខ្ញុំ​គិតថា​ ​នឹង​មាន​មនុស្សជា​ច្រើន​ចូលរួម​ជាមួយ​ដំណើរការ​នេះ​។​ ​ពួកយើង​មាន​តម្រូវ​ការ​ច្រើន​ពីក្រៅ​ប្រទេស​ ​ដូចជា​សហរដ្ឋអាមេរិក​ ​កូរ៉េ​ខាងត្បូង​ ​ដូច្នេះ​ខ្ញុំ​សង្ឃឹម​ថា​ ​អាច​ឆ្លើយតប​តម្រូវ​ការបាន​ដល់​ពួកគេ​ទាំងអស់​ ​ដូច្នេះ​សង្ឃឹម​ថា​ការកំណត់​តម្លៃ​ចុងក្រោយ​នឹង​ត្រូវ​បាន​សម្រេច​នៅ​ស​ប្តាហ៍​ទី​៣​នៃ​ខែ​មករា ​។​ ដើមទុន​ដែល​ពួកយើង​ចង់​បង្កើន​ ​គឺ​ការពង្រីក​សាខា​ ​ដូចដែល​បាន​ធ្វើ​អំឡុង​ពេល​កូ​វី​ដ​។​ ​សាលា​ពួកយើង​ទាំង​១​៥​គឺ​មាន​ស្ថេរ​ភាព​ ​ខណៈ​អគារសិក្សា​របស់​ពួកយើង​គឺ​ជួល​រហូតដល់​ទៅ​៥​០​ឆ្នាំ​ ​នេះ​គឺជា​រយៈពេល​វែង​សម្រាប់​អគារ​សាលា​ ​ដូច្នេះ​វា​ពិតជា​មាន​សុវត្ថិភាព​ណាស់​។​ ​យ៉ាងណាមិញ​ ​ពួកយើង​ក៏មាន​អ្នកធានា​ក្រៅពី​ R​H​B ​Securities​ ​ដែរ​ ​គឺ​សហ​អ្នកធានា​ ​ប៉ុន្តែ​ពួកយើង​មិនទាន់​ច្បាស់​នៅឡើយ​ទេ​»​។​

​លោក​បន្ថែម​ថា​ ​«​គ្រប់គ្នា​ប្រហែលជា​មានគំនិត​ទុទ្ទិដ្ឋិនិយម​បន្តិច​អំពី​បញ្ហា​សេដ្ឋកិច្ច​សកល​ ​ពួកគេ​គិតថា​ ​វា​នឹង​មិន​រីក​ចម្រើន​ទៅមុខ​ ​ប៉ុន្តែ​ពួកយើង​នឹង​អាច​ចេញពី​វិបត្តិ​នេះ​ ​ខ្ញុំ​មិន​គិតថា​សង្គ្រាម​នឹង​អូស​បន្លាយពេល​យូរ​ទេ​ ​ចំណែក​នៅ​ខាង​ប្រទេស​ចិន​ក៏​ឃើញ​ថា​ ​កំពុង​បន្ធូរបន្ថយ​ច្បាប់​កូ​វី​ដ​-​១​៩​ដែរ​ ​នេះ​គឺជា​សញ្ញា​ល្អ​ ​ហើយ​បច្ចុប្បន្ន​យើង​អាច​ធ្វើដំណើរ​ដោយសេរី​។​ ​មនុស្ស​គ្រប់គ្នា​ចាប់ផ្តើម​ធ្វើដំណើរ​ក​ម្សាន្ត ​អ្នកខ្លះ​ទៅក្រៅ​ប្រទេស​ ​បន្ទាប់ពី​មានការ​បិទ​ខ្ទប់​ប្រទេស​ ​និង​ការ​រិ​ត​ត្បិត​ព្រំដែន​ដែល​ធ្វើ​ឱ្យ​ពួកគេ​មាន​អារម្មណ៍​មិន​ស្រស់ស្រាយ​ ​ហើយ​ពួកគេ​ត្រូវការ​ចេញ​យកខ្យល់អាកាស​ល្អ​នៅ​ពេលនេះ​។​ ​សម្រាប់​ប្រទេស​កម្ពុជា​ ​មានតែ​ភ្ញៀវ​ទេសចរ​ចិន​ប៉ុន្មាន​លាន​នាក់​ ​នោះ​សេដ្ឋកិច្ច​នឹង​ងើបឡើង​ខ្ពស់​ ​ខណៈ​ប្រទេស​យើង​ ​គឺជា​មាន​តំបន់​ទាក់ទង​ភ្ញៀវ​ទេសចរ​ចិន​ជាច្រើន​។​ ​មិនតែប៉ុណ្ណោះ​ ​ភ្ញៀវ​ទេសចរ​អឺរ៉ុប​ក៏​បែប​នោះ​ដែរ​។​ ​ប្រទេស​មួយ​ចំនួន​ ​ព្រួយបារម្ភ​ចំពោះ​ការ​ធ្លាក់ចុះ​សេដ្ឋកិច្ច​ ​ពួកគេ​មិនសូវ​ជា​ហ៊ាន​ចំណាយ​ ​ពួកគេ​ចាប់ផ្តើម​ភ័យខ្លាច​ ​ដែល​ធ្វើ​ឱ្យ​ពួកគេ​កាន់តែ​ព្រួយបារម្ភ​ ​នេះ​គឺជា​កង្វល់​ដ៏​ធំ​មួយ​។​ ​ប៉ុន្តែ​សូម​កុំ​បារម្ភ​ ​អ្នក​ទាំងអស់គ្នា​គួរតែ​បើក​ចិត្ត​ ​ហ៊ាន​ចំណាយ​ខ្លះ​ ​ធ្វើជំនួញ​ដូចធម្មតា​ ​មិន​ដូច្នេះ​ទេ​ ​គឺ​ទី​ផ្សារ​នឹង​ធ្លាក់ចុះ​។​ ​ទោះជាយ៉ាងណាក៏ដោយ​ ​សម្រាប់​វិ​ស័​យ​អប់រំ​ វិ​ស័​យ​ហរិ​ញ្ញ​វត្ថុ​ ​និង​វិ​ស័​យ​សុខភាព​ ​នឹង​ប្រសើរ​ឡើងវិញ​។​ ​សម្រាប់​ក្រុម​មនុស្ស​ដែល​គាំទ្រ​ ​គោរព​ ​និង​ឱ្យ​តម្លៃ​ទៅលើ​ការអប់រំ​ ​ទោះបីជា​បែប​ណា​ក៏ដោយ​ ​ពួកគេ​នៅតែ​ឱ្យ​តម្លៃ​ការអប់រំ​ ​ពួកគេ​មិន​ចង់​ឱ្យ​កូន​ៗ​ផ្អាក​ការសិក្សា​ ​ឬ​មិនបាន​សិក្សា​នោះ​ទេ​។​ ​ខ្ញុំ​គិតថា​ ​នៅ​ក្នុង​ប្រទេស​អា​ស៊ាន​ភាគច្រើន​ ​មាន​ទ​ស្សនៈ​ចង់​ឱ្យ​កូន​ៗ​ពួកគេ​បាន​រៀនសូត្រ​ ​មិន​ចង់​ឱ្យ​ខកខាន​ការសិក្សា​ ​ខណៈ​ការសិក្សា​គឺជា​អាទិភាព​។​ ​នៅ​ឆ្នាំ​២​០​២​៣​ ​រដ្ឋាភិបាល​បាន​ផ្តោត​លើ​វិ​ស័​យ​សុខាភិបាល​ ​និង​ការអប់រំ​ ​នេះ​ហើយ​គឺជា​មូលហេតុ​មួយ​ដែល​ខ្ញុំ​សម្រេច​ចិត្ត​ដាក់​ចេញ​នៅ​ឆ្នាំនេះ​ ​ពីព្រោះ​នៅ​ក្នុង​អ​ណ​ត្តិ​ថ្មី​ ​គោលការណ៍​ថ្មី​ ​ខ្ញុំ​គិតថា​អាទិភាព​គឺ​ផ្តោត​លើ​វិ​ស័​យ​អប់រំ​ ​និង​សុខភាព​។​ ​ប្រសិនបើ​មិន​មានការ​ផ្តោត​លើ​វិ​ស័​យ​ទាំង​២​នេះ​ទេ​ ​មិន​មាន​ប្រទេស​ណារី​ក​ចម្រើន​នោះ​ទេ​ ​ព្រោះ​គ្រប់​ប្រទេស​ទាំងអស់​ត្រូវការ​មាន​សុខភាព​ល្អ​ ​ធនធានមនុស្ស​ ​ដើម្បី​បំពេញ​តម្រូវ​ការ​របស់​ប្រទេស​កំពុង​អភិវឌ្ឍ​ ​ហើយ​ដើរទៅ​មុខ​បន្ត​ទៀត​ ​សម្រាប់​មនុស្ស​ជំនាន់​ថ្មី​ ​និង​ជំនាន់​ក្រោយៗ​។​ ​បើមិនដូច្នោះទេ​ ​ពួកយើង​ដើ​រលែង​ទាន់​ហើយ​ ​ប៉ុន្តែ​អ្វី​ដែល​រដ្ឋាភិបាល​បាន​ធ្វើ​ ​គឺ​ស្ថិតនៅ​លើ​មាគ៌ា​ដ៏​ត្រឹមត្រូវ​។​ ​ខ្ញុំ​ពិតជា​គាំទ្រ​ទាំងស្រុង​ ​ដូចជា​រថភ្លើង​អ៊ីចឹង​ ​គឺ​រត់ទៅ​មុខ​ ​មិន​ថយក្រោយ​នោះ​ទេ​ ​ដូច្នេះ​ខ្ញុំ​មានទំនុក​ចិត្ត​ ​មានការ​ជឿជាក់​លើ​ទី​ផ្សារ​កម្ពុជា​ ​ទី​ផ្សារ​ភាគ​ហ៊ុន​ ​និង​ជឿជាក់​លើ​ការបោះឆ្នោត​ ​ដែល​នឹង​មាន​សន្តិភាព​ ​ហើយ​សប្បាយរីករាយ​ ​មាន​តុល្យភាព​ ​ស្ថិរភាព​។​ ​ពួកយើង​បាន​ឆ្លងកាត់​ការបោះឆ្នោត​ច្រើន​ហើយ​ ​ហើយ​ប្រជាជន​កាន់តែ​រឹង​មាំ​ ​ដូច្នេះ​ខ្ញុំ​សូមជូនពរ​ប្រទេស​កម្ពុជា​ឱ្យ​បន្ត​ការ​រឹង​មាំ​នេះ​ ​ហើយ​វិ​ស​័​យ​សេដ្ឋកិច្ច​កាន់តែ​រីក​ចម្រើន​»​៕​

 


Image

អ្នកវិនិយោគលើវិស័យសារព័ត៌មានជំរុញឱ្យអ្នកកាសែតពង្រឹងបន្ថែមលើការសររសេរអត្ថបទបែបស៊ីជម្រៅ

Image

ក្រុមអ្នកព្យាករអាកាសធាតុ៖ ចាប់ពីថ្ងៃទី១ ដល់ទី៧កុម្ភៈ កម្ពុជានឹងមានភ្លៀងធ្លាក់ដោយអន្លើ

Image

អ្នកឧកញ៉ា គួច ម៉េងលី បង្ហាញពីជោគជ័យក្នុងដំណើរទស្សនកិច្ចទៅអឺរ៉ុប

Image

តើលៀសគេនេសាទយ៉ាងដូចម្ដេច?

Image

អគ្គលេខាធិការCAMSOCអះអាងថា ប្រសិនបើប្រទេសណាដាក់ឈ្មោះថាកីឡា មួយ(Mouy)គឺកម្ពុជាចូលរួម

Image

អ្នកឧកញ៉ា គួច ម៉េងលី បកស្រាយជុំវិញរូបថតស្និទ្ធស្នាលជាមួយនារីម្នាក់ដែលបង្ហោះលើបណ្តាញសង្គម