កុមារី សាន់ រក្សា សិស្សថ្នាក់ទី២ នៃសាលារៀន អន្តរទ្វីប អាមេរិកាំង គឺជាម្ចាស់ជើងឯកចំណាត់ថ្នាក់លេខ១ នៅទូទាំងប្រទេស ផ្នែកកម្រិតបឋមសិក្សា ក្នុងការប្រកួតប្រជែងគំនូរ ក្រោមប្រធានបទស្ដីពី «ផែនដី ត្រូវការយើង» ក្នុងកម្មវិធីមហោស្រពពិព័រណ៍ស្ទែមកម្ពុជា លើកទី១៤ ប្រចាំឆ្នាំ២០១៨។
មានវ័យត្រឹមតែ៧ឆ្នាំប៉ុណ្ណោះ កុមារីរូបនេះ បានឱ្យដឹងពីមូលហេតុដែលជំរុញនាងឱ្យប្រើគំនិតច្នៃប្រឌិតគូរគំនូមួយផ្ទាំង ក្រោមប្រធានបទ «ផែនដី ត្រូវការយើង» ព្រោះប្អូនចង់បង្ហាញពីធម្មជាតិ ដើម្បីបំផុសឱ្យក្មេងដទៃចាប់ផ្តើមងាកមកស្រឡាញ់បរិស្ថានជុំវិញយើងឡើងវិញ។
ការប្រកួតប្រជែងគំនូរ ក្នុងកម្មវិធីមហោស្រពពិព័រណ៍ស្ទែមកម្ពុជា គឺបានប្រព្រឹត្តិទៅកាលពីថ្ងៃទី៣០វិច្ឆិកា ដល់ថ្ងៃទី១ធ្នូ ឆ្នាំ២០១៨ កន្លងទៅនេះ នៅឯមជ្ឈមណ្ឌលសន្និបាត និងពិព័រណ៍កោះពេជ្រ ក្រោមការរៀបចំឡើងដោយ STEM Cambodia សហការជាមួយក្រសួងអប់រំ យុវជន និងកីឡា។
សូមជម្រាបថា រាល់ស្នាដៃជ័យលាភីរបស់បេក្ខជន ត្រូវបានដាក់តាំងបង្ហាញជូនមហាជនទស្សនា នៅក្នុងព្រឹត្តិការណ៍មហោស្រពពិព័រណ៍ស្ទែមកម្ពុជា លើកទី១៤ នេះផងដែរ។
យ៉ាងណា កុមារី សាន់ រក្សា ក៏បានជំរុញឱ្យក្មេងដទៃរួមគ្នាធ្វើសកម្មភាពផ្សេងៗដែលទាក់ទងនឹងធម្មជាតិ ដើម្បីរួមគ្នាថែរក្សាបរិស្ថានកម្ពុជា៕
ចង់ដឹងថា ស្នារដៃគំនូររបស់ កុមារី សាន់ រក្សា មានលក្ខណៈពិសេសបែបណា សូមទស្សនាវីដេអូខាង ក្រោមនេះ៖
Visit Today : 37
Visit Yesterday : 103
This Month : 2670
This Year : 46432
Total Visit : 46432